Посета на Македонската филхармонија
На ден 02.03.2018 година ја посетивме Македонска филхармонија и имавме можност да ја проследиме генералната проба на првиот Еко концерт под наслов „Музичка екскурзија со Пакомак“, на кој како аниматор беше познатиот водител на детски емисии - Ивце Пивце, а истиот беше одржан во саботата на 03.03.2018 година.
Концертот „Музичка екскурзија со Пакомак“, како што кажува и самиот наслов, е посветен на екологијата, се зборува за чистата природа, за соживот на растителниот и животинскиот свет, за чување на нашата околина.
Ова е уште еден од едукативните концерти на Македонската филхармонија чија мисија е преку класичната музика, но и преку еко приказна, да влијае врз образованието на најмладите и да ја прошири нивната свест за екологијата, надвор од училишните клупи.
Учениците од прво одделение се запознаа со диригентот Фи Фи Ле и членовите на оркестарот , а потоа прошетаа низ просториите на Македонската Филхармонија.
Голема благорарност до Нула Отпад ДОО и Македонска Филхармонија што ни организираа вакво незаборавно дружење и доживување.
Посети: 1563
